Bright Zoom Today News ஆகஸ்ட் 06 காலை நேரச் செய்திகள்

Bright Zoom Today News

ஆகஸ்ட் 06 காலை நேரச் செய்திகள்

இன்று முதல் 11 நாட்களுக்கு... முதல்வர் உத்தரவு - முக்கியச் செய்திகள் !

உலகச் செய்திகள்

இலங்கை நாடாளுமன்ற தேர்தல்:

இலங்கை நாடாளுமன்ற தேர்தலில் பதிவான வாக்குகளை எண்ணும் பணி இன்று காலை தொடங்கியது.

ரிலையன்ஸ் குழுமம் தேர்வு:

உலக அளவில் ஆப்பிள் நிறுவனத்திற்கு அடுத்தப்படியாக பிராண்ட் எனப்படும் சிறந்த தரத்தின் அடையாளமாக, முகேஷ் அம்பானியின் ரிலையன்ஸ் குழுமம் தேந்தெடுக்கப்பட்டுள்ளது. 

மாநிலச் செய்திகள்

இந்திய வானிலை ஆய்வு மையம் தெரிவிப்பு:

ஒடிசாவிற்கு வடக்கே வங்கக் கடலில் ஆழ்ந்த காற்றழுத்த தாழ்வுபகுதி உருவாகியுள்ளது என்று இந்திய வானிலை ஆய்வு மையம் தெரிவித்துள்ளது.

தமிழக அரசு அறிவிப்பு:

தொழிலாளர் மேலாண்மை பட்டம் மற்றும் பட்டயப் படிப்புகளுக்கு விண்ணப்பிக்கலாம் என்று தமிழக அரசு அறிவித்துள்ளது.

பிரதமர் மோடி நேற்று ஆலோசனை:

மகாராஷ்டிராவில் பெய்துவரும் கனமழை தொடர்பாக மாநில முதல்மந்திரி உத்தவ் தாக்கரேவுடன் பிரதமர் மோடி நேற்று ஆலோசனை நடத்தினார்.

ஸ்மார்ட்போன் வழங்க திட்டம்:

ஆன்லைன் வகுப்புகளுக்காக பஞ்சாப் மாநிலத்தில் வரும் கல்வியாண்டில் ஒரு லட்சத்து 73,000 மாணவர்களுக்கு ஸ்மார்ட்போன்களை வழங்க அம்மாநில அமைச்சரவை ஒப்புதல் அளித்துள்ளது.

50 கோடி முட்டைகள் தயார்:

அரசுப்பள்ளிகளில் சத்துணவு சாப்பிடும் மாணவர்களுக்கு உடனடியாக வழங்க, 50 கோடி முட்டைகள் தயாராக இருப்பதாக தமிழ்நாடு கோழிப் பண்ணையாளர் சங்கத்தினர் தெரிவித்துள்ளனர்.

தென்மாவட்டங்களுக்கு முதலமைச்சர் இன்று பயணம்:

தமிழகத்தின் தென்மாவட்டங்களுக்கு முதலமைச்சர் எடப்பாடி பழனிசாமி இன்று பயணம் மேற்கொள்ள உள்ளார்.

விரைவில் வெளியீடு:

மருந்து உற்பத்தித் துறையில் ஆராய்ச்சி மற்றும் மேம்பாட்டிற்கு முக்கியத்துவம் அளித்து அவற்றை ஊக்குவிக்கும் வகையிலான கொள்கை விரைவில் வெளியிடப்படும் என்று மத்திய அரசு தெரிவித்துள்ளது. 

மாவட்டச் செய்திகள்

11 நாட்களுக்கு தண்ணீர் திறக்க... முதல்வர் உத்தரவு:

அமராவதி அணையில் இருந்து இன்று முதல் வரும் 16ஆம் தேதி வரை 11 நாட்களுக்கு தண்ணீர் திறக்க முதலமைச்சர் பழனிசாமி உத்தரவிட்டுள்ளார். 

விளையாட்டுச் செய்திகள்

யுஎஸ் ஓபன் டென்னிஸ் ஆண்கள் ஒற்றையர் பிரிவு:

முன்னணி வீரர்கள் விலகலை தொடர்ந்து, யுஎஸ் ஓபன் டென்னிஸ் ஆண்கள் ஒற்றையர் பிரிவு பிரதான சுற்றில் விளையாட இந்தியாவின் சுமித் நாகல் நேரடியாக தகுதி பெற்றுள்ளார்.

டென்னிஸ் போட்டியில் பங்கேற்க போவதில்லை:

யுஎஸ் ஓபன் கிராண்ட் ஸ்லாம் டென்னிஸ் போட்டியில் பங்கேற்க போவதில்லை என்று நடப்பு சாம்பியன் ரபேல் நடால் அறிவித்துள்ளார்.

அயர்லாந்து அணி வெற்றி:

இங்கிலாந்திற்கு எதிரான கடைசி ஒரு நாள் கிரிக்கெட் போட்டியில் அயர்லாந்து அணி 329 ரன்கள் இலக்கை விரட்டிப்பிடித்து சாதனை படைத்தது.