Bright Zoom Today News செப்டம்பர் 03 காலை நேரச் செய்திகள்

 

Bright Zoom Today News

செப்டம்பர் 03 காலை நேரச் செய்திகள்

செப்டம்பர் மாதத்திற்கான ரேஷன் பொருட்கள்.. இன்று முதல் வழங்கப்படுகிறது - செய்திகள் !

உலகச் செய்திகள்

அனுமதி மறுப்பு:

தங்கள் நாட்டில் உள்ள கல்லூரிகள் மற்றும் பல்கலைக்கழகங்களில் படிக்கும் இந்திய மாணவர்கள் சீனா திரும்புவதற்கு அந்த நாடு அனுமதி மறுத்துள்ளது. 

மாநிலச் செய்திகள்

செப்டம்பர் 30ஆம் தேதி வரை:

அண்ணா பல்கலைக்கழகத்தில் வெளிமாநில மாணவர்கள் பி.இ, பி.டெக் உள்ளிட்ட படிப்புகளில் விண்ணப்பிப்பதற்கான கால அவகாசத்தை செப்டம்பர் 30ஆம் தேதி வரை நீட்டித்துள்ளதாக அண்ணா பல்கலைக்கழகம் உத்தரவிட்டுள்ளது.

அனைத்து மாவட்ட ஆட்சியர்களுடன் ஆலோசனை:

தமிழகத்தில் நாளை அனைத்து மாவட்ட ஆட்சியர்களுடன் தலைமைச் செயலாளர் சண்முகம் ஆலோசனை நடத்தவுள்ளார்.

இன்று முதல் ரேஷன் பொருட்கள்:

தமிழகத்தில் செப்டம்பர் மாதத்திற்கான ரேஷன் பொருட்கள் இன்று முதல் வழங்கப்படுகின்றன.

118 செயலிகளுக்கு தடை:

பப்ஜி உள்ளிட்ட 118 செயலிகளுக்கு தடைவிதித்து, மத்திய அரசு அதிரடி உத்தரவு பிறப்பித்துள்ளது.

மத்திய அரசு அனுமதி:

உள்நாட்டு விமானச் சேவையில் 60 சதவீத விமானங்களை இயக்க, விமானப் போக்குவரத்து அமைச்சகம் அனுமதி அளித்துள்ளது.

இன்று முதல் வழங்க ஏற்பாடு:

திருப்பதி ஏழுமலையான் கோவிலில், இன்று முதல் மேலும் ஆயிரம் பக்தர்களுக்கு 300 ரூபாய் சிறப்பு தரிசன டிக்கெட்டுகளை வழங்க ஏற்பாடு செய்யப்பட்டுள்ளது.

இஸ்ரோ திட்டம்:

சந்திரயான்-3 விண்கலத்தில் பொருத்தப்படும் லேண்டர் கருவியை சோதிக்க பெங்க;ருவில் செயற்கை நிலவு பள்ளங்களை உருவாக்க இஸ்ரோ திட்டமிட்டுள்ளது.

மத்திய அமைச்சரவை நேற்று ஒப்புதல்:

அரசு நிர்வாகத்தில் மிகப்பெரிய சீர்திருத்தம் என வர்ணிக்கப்படும் கர்மயோகி மிஷன் எனும் புதிய திட்டத்திற்கு மத்திய அமைச்சரவை நேற்று ஒப்புதல் அளித்துள்ளது. 

மாவட்டச் செய்திகள்

வருகின்ற 7ஆம் தேதி முதல்:

சென்னையில் வருகின்ற 7ஆம் தேதி முதல் மெட்ரோ ரயில் சேவை மீண்டும் தொடங்கப்பட உள்ளது. இதையடுத்து இன்று முதல் கூடுதலாக ரயில்களை இயக்கி சோதனை ஓட்டம் நடத்தப்பட உள்ளது.

இன்று காலை 10 மணி முதல்:

திமுக பொருளாளர், பொதுச்செயலாளர் பதவிக்கு இன்று காலை 10 மணி முதல் மாலை 4 மணி வரை வேட்புமனு தாக்கல் செய்யலாம் எனவும், வேட்புமனுக்களின் மீதான பரிசீலனை நாளை நடைபெறும் எனவும், வேட்புமனு திரும்பப்பெற வருகின்ற 5ஆம் தேதி கடைசி நாள் எனவும் திமுக தெரிவித்துள்ளது.

அனைத்து சங்கங்களின் கூட்டமைப்பு அறிவிப்பு:

செப்டம்பர் மாதம் முழுவதும் ஞாயிற்றுக்கிழமைகளில் மட்டும் சென்னையிலுள்ள திருமழிசை காய்கறி சந்தை இயங்காது என்று அனைத்து சங்கங்களின் கூட்டமைப்பு அறிவித்துள்ளது. 

விளையாட்டுச் செய்திகள்

ஐ.பி.எல் போட்டியில் இருந்து விலகல்:

தந்தைக்கு உடல்நலக்குறைவு ஏற்பட்டுள்ளதால் ஐ.பி.எல் போட்டியில் இருந்து மும்பை இந்தியன்ஸ் அணியின் முக்கிய வேகப்பந்து வீச்சாளர் மலிங்கா விலகியுள்ளார்.