Bright Zoom Today News செப்டம்பர் 26 மாலை நேரச் செய்திகள்

 

Bright Zoom Today News

செப்டம்பர் 26 மாலை நேரச் செய்திகள்

அக்டோபர் 1ஆம் தேதி முதல்... பள்ளிக்கல்வித்துறை உத்தரவு - செய்திகள்..!!

உலகச் செய்திகள்

உச்சி மாநாடு:

இன்று நடைபெற்ற இந்தியா-இலங்கை நாடுகளுக்கு இடையேயான உச்சி மாநாட்டில், இலங்கையுடனான உறவுக்கு தமது அரசு சிறப்பு முக்கியத்துவம் கொடுப்பதாக பிரதமர் நரேந்திர மோடி தெரிவித்துள்ளார். 

மாநிலச் செய்திகள்

நொடிக்கு ஒரு லட்சம் கன அடி நீர் திறப்பு:

கிருஷ்ணா ஆற்றில் வெள்ளப்பெருக்கு ஏற்பட்டுள்ளதால் தெலுங்கானாவின் நாகர்ஜுன சாகர் மற்றும் ஆந்திரத்தின் பிரகாசம் அணைகளில் இருந்து நொடிக்கு ஒரு லட்சம் கன அடி நீர் திறந்து விடப்பட்டுள்ளது.

மணல் சிற்பம் அமைக்கப்பட்டுள்ளது:

மறைந்த பின்னணி பாடகர் எஸ்.பி.பாலசுப்ரமணியத்திற்கு அஞ்சலி செலுத்தும் வகையில் ஒடிசாவின் பூரி கடற்கரையில் மணல் சிற்பம் அமைக்கப்பட்டுள்ளது.

பள்ளிக்கல்வித்துறை உத்தரவு:

அக்டோபர் 1ஆம் தேதி முதல் பள்ளிகளுக்கு வரும் மாணவர்கள் பெற்றோரிடம் ஒப்புதல் கடிதம் பெற்று வரவேண்டும் என பள்ளிக்கல்வித்துறை உத்தரவிட்டுள்ளது.

இந்திய வேளாண் ஆராய்ச்சி நிறுவனம் துவக்கம்:

அசாமில் இந்திய வேளாண் ஆராய்ச்சி நிறுவனத்தின் புதிய கிளைப்பிரிவை மத்திய வேளாண்மைத்துறை அமைச்சர் நரேந்திர சிங் தோமர் இன்று துவக்கி வைத்துள்ளார்.

பா.ஜ.க தேசிய நிர்வாகிகள் பட்டியல் வெளியீடு:

பா.ஜ.க தேசிய நிர்வாகிகள் பட்டியலை அக்கட்சியின் தேசிய தலைவர் ஜே.பி.நட்டா வெளியிட்டுள்ளார். பா.ஜ.க-வின் புதிய தேசிய நிர்வாகிகள் பட்டியலில் தமிழகத்தை சேர்ந்த யாரும் இடம் பெறவில்லை.

மின் விபத்துக்களை தடுப்பதற்கு வழிகாட்டுதல்கள் வெளியீடு:

மழைக்காலங்களில் இடி, மின்னல் தாக்கும் போது ஏற்படும் மின் விபத்துக்களை தடுப்பதற்கு தமிழ்நாடு மின் உற்பத்தி பகிர்மான கழகம் வழிகாட்டுதல்களை வெளியிட்டுள்ளது.

தமிழகத்தில் அடுத்த 24 மணி நேரத்தில்:

வளிமண்டல மேலடுக்கு சுழற்சி மற்றும் வெப்பச்சலனத்தால் தமிழகத்தில் அடுத்த 24 மணி நேரத்தில் பெரும்பாலான மாவட்டங்களில் மழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது. 

மாவட்டச் செய்திகள்

வருகின்ற 28ஆம் தேதி... தீபத்திருவிழா:

தீபத்திருவிழாவை முன்னிட்டு திருவண்ணாமலை அருணாசலேஸ்வரர் கோவிலில் பந்தகால் நடும் முகூர்த்த விழா வருகின்ற 28ஆம் தேதி நடக்கிறது. இவ்விழாவில் பக்தர்கள் கலந்து கொள்ள அனுமதி இல்லை என அருணாசலேஸ்வரர் கோவில் இணை ஆணையர் ஞானசேகரன் தெரிவித்துள்ளார். 

விளையாட்டுச் செய்திகள்

ஐ.பி.எல் 20 ஓவர் கிரிக்கெட் போட்டி:

தினேஷ் கார்த்திக் தலைமையிலான கொல்கத்தா நைட் ரைடர்ஸ் அணியும், வார்னர் தலைமையிலான சன்ரைசர்ஸ் ஐதராபாத் அணியும் இன்று மோதுகின்றன.