BRIGHT ZOOM

Bright Zoom Today

தினம் ஒரு வரலாறு.. இன்றைய நாளை சிறப்பிக்கும் முக்கிய தினங்கள்... தெரிந்து கொள்வோம்..!!

சர்வதேச சாக்லேட் தினம்

🍫 உலகமெங்கும் சர்வதேச சாக்லேட் தினம் செப்டம்பர் 13ஆம் தேதி கொண்டாடப்படுகிறது. மில்டன் எஸ்.ஹெர்ஷே என்பவர், 'கார்மெல் கேண்டி" சாக்லேட்டை கண்டுபிடித்தார். 1990ஆம் ஆண்டு அந்த சாக்லேட்டிற்கு புது வடிவம் கொடுக்கப்பட்டது. இவருடைய பிறந்த நாளை சாக்லேட் தினமாக கொண்டாடுகிறோம்.

🍫 தொடர்ந்து சாக்லேட் எடுத்துக் கொள்வதால் பக்கவாத பாதிப்பு 21 சதவீதமும், இருதயம் தொடர்பான நோயில் இருந்து 29 சதவீதமும், இருதய நோயால் உயிரிழப்பதில் இருந்து 45 சதவீதமும் பாதுகாப்பு கிடைக்கிறது என மருத்துவ ரீதியான ஆய்வுகளில் கூறப்பட்டுள்ளது.

சையது முஸ்தபா அலி

✍ வங்காள எழுத்தாளரும், பன்மொழி அறிஞருமான சையது முஸ்தபா அலி 1904ஆம் ஆண்டு செப்டம்பர் 13ஆம் தேதி வங்காள மாகாணத்தின் கரீம்கஞ்ச் நகரில் (தற்போது அசாமில் உள்ளது) பிறந்தார்.

✍ வங்காள மொழியை தாய்மொழியாக கொண்ட இவர் பிரெஞ்ச், அரபி, பாரசீகம், உருது, இந்தி, சமஸ்கிருதம், மராத்தி, குஜராத்தி, ஆங்கிலம் உட்பட 15 மொழிகளில் நிபுணராக திகழ்ந்தார்.

✍ சொந்த வாழ்க்கை அனுபவங்களை அடிப்படையாகக் கொண்டு வங்காள மொழியில் பல கதைகளை எழுதினார். இவரது தனித்துவமான பாணியால் இக்கதைகள் மிகவும் பிரபலமடைந்தன. 'தேஷெ பிதேஷெ", 'ரம்ய ரசனா", 'பஞ்சதந்த்ரா" ஆகியவை இவரது சிறந்த படைப்புகளாகும்.

✍ இவர் ஆனந்த புரஸ்கார் போன்ற பல விருதுகளைப் பெற்றுள்ளார். கால, தேச, மத, மொழி எல்லைகளுக்கு அப்பாற்பட்ட படைப்பாளியான சையத் முஸ்தபா அலி 1974ஆம் ஆண்டு மறைந்தார்.முக்கிய நிகழ்வுகள்

👍 1948ஆம் ஆண்டு செப்டம்பர் 13ஆம் தேதி இந்திய படைகள் ஐதராபாத்தை இந்திய ஆளுமையின் கீழ் கொண்டு வந்தன.